Footer

Indian national, nakasuan gapu panagikutna iti granada

CERVANTES, Ilocos Sur – Nakasuan ti maysa nga Indian national iti panaglabsing iti RA 6284 gapu iti panagikutna iti granada idi malem ti Agosto 7.

Inaresto dagiti polis ni Avatr Singh Sathi, 28, Indian national, naasawaan ken agdama a residente iti Barangay San Juan idi agarup 4:30 ti malem ti Agosto 7 gapu iti kaadda ti iggemna a granada.

Nagresponde dagiti polis ditoy kalpasan ti pannakaawatda iti nasao nga impormasion manipud iti maysa a maseknan nga umili  ket idi makitada ti suspek, dagus a kinumpiskada ti granada nga iggemna sada impan daytoy iti police station para iti pannakapalutpotna.

Naipilaan ni Sathi iti kaso nga illegal possession of explosive iti opisina ti provincial prosecutor iti Tagudin, Ilocos Sur.#