Footer

Ingingina ti gasolina, naapektaran proyekto inprastruktura: Sec. Ebdane

CANDON CITY – Gapu iti agtultuloy nga ingingina ti gasolina, ngimmato ti mabusbos  kadagiti kasapulan iti konstruksion ket naapektaran dagiti infrastructure projects ti gobierno iti sibubukel a pagilian.

 

Daytoy ti impalgak ni Department of Public Works and Highways Secretary Hermogenes Ebdane Jr. kalpasan ti pannakalukat ti kalkalpas a narehabilitar a paset ti national highway iti Brgy. Calaoa-an itoy a siudad.

“Tallo ti nguminngina iti agdama: umuna ti gasolina, maikadua, ti makan ken maikatlo, ti landok,” kinuna ni Ebdane bayat ti interbio kenkuana ti media.

Segun iti sekretario, gapu iti adu a ngimminaan ti landok a mausar iti konstruksion, dimmakkel iti 10% ti mabusbos kadagiti infrastructure projects ti gobierno.

Nupay kasta,  impasigurado ni Ebdane a malpas amin a proyekto inprastruktura ti administrasion Arroyo sakbay nga aggibus ti termino ti presidente inton 2010.

Segun iti sekretario, nalpasen ti aganay 60% iti pakabuklan dagiti proyekto,  pakairamanan ti pannakailukat dagiti baro a kalsada malaksid dagiti nasemento ken napabaro.

“As of 2007, nasurok 2000 a major infrastructure projects ti nalpas manipud nagtugawak kas sekretario ti DPWH. Aganay P110 bilion met ti pondo a nailatangen,” kinuna ni Ebdane.

Innayon ni Ebdane a nalpas metten ti patangan da Pres. Gloria Macapagal-Arroyo ken dagiti agilinlinteg iti Kamara ken Senado para iti pannakairuar ti multi-year funding needs dagiti proyekto a maaw-awagan iti SONA Projects.

Karaman pay ditoy ti maintainance dagiti kalsada nga umabot iti 5-15 a tawen, kinuna ni Ebdane.

Kabayatanna, uppat a gasut ket duapulo a napanglaw manipud iti 42 a barangay daytoy a siudad ti immawat itay nabiit iti cash gifts ken bagas manipud iti Oyster Program ti DPWH.

Kadua ni Ebdane da House Deputy Speaker Eric Singson, Gob. Deogracias Victor “DV” Savellano, ken Candon City Mayor Allen Singson a nangiyawat kadagiti regalo kadagiti benepisario a residente ditoy siudad kas supapak iti sumagmamano nga aldaw a panagdalusda kadagiti estero, drainage ken igid ti kalsada ti siudad.

Naiwaras pay itoy nga aldaw ti Philhealth cards para iti 500 a taga-Candon kasta metten dagiti agas para iti Botika ng Barangay ti Barangay Allangigan, San Pedro ken Paras.

Kabayatanna, uppat a gasut ket duapulo a napanglaw manipud iti 42 a barangay daytoy a siudad ti immawat itay nabiit iti cash gifts ken bagas manipud iti Oyster Program ti Department of Public Works and Highways.

Kadua ni Ebdane da House Deputy Speaker Eric Singson, Gob. Deogracias Victor “DV” Savellano, ken Candon City Mayor Allen Singson a nangiyawat kadagiti regalo kadagiti benepisario a residente ditoy siudad kas supapak iti sumagmamano nga aldaw a panagdalusda kadagiti estero, drainage ken igid ti kalsada ti siudad.

“Maysa a wagas daytoy oyster program tapno mapagbalintayo a naprogprogreso ti pagilian ken maserbian a nasayaat ti tunggal Filipino,” kinuna ni Ebdane.

Kinuna ni Dip. Eric Singson a maragpat ti pagilian ti kalikagum nga idudur-as no la ketdi adda timpuyog dagiti amin nga umili.

Naiwaras pay itoy nga aldaw ti Philhealth cards para iti 500 a taga-Candon kasta metten dagiti agas para iti Botika ng Barangay ti Barangay Allangigan, San Pedro ken Paras.(Mancielito S. Tacadena/NBN Vigan)