Inhiniero iti power plant, nabutbuteng babaen ti text messages

ALILEM, Ilocos Sur – Suspetsaen dagiti polis a panagkikil ti makagapu kadagiti text messages a naawat ti maysa nga inhiniero iti planta ti elektrisidad idi bigat ti Agosto 4.

Inreport ni Alilem Mayor Mar Ruel P. Sumabat a nakaawat kadagiti text messages ni Engineer Reynaldo Rafael, plant manager ti Luzon Hydro A/C Power Plant a masarakan iti Barangay Pilpil, Amilongan, Alilem, Ilocos Sur, a naggapu iti Cellphone No. 09303599160 a naglaon iti sumaganad: “Naimbag nga agsapam apo engr nga sobrakuripot na. nalaka me lang nga alaen sika no kayat me kanayon ka lumabas toy bantaysudipen. Alaen me anak mo sas no kuripot ka latta”.

Sabali pay ti text message a naglaon iti: “Ada kami lng aglawlaw plantaagan annad ka”.

Mapapati a dawdawatan ti di nabigbig a nangipatulod iti text message ni Rafael ngem saan a pinatgan daytoy.

Saan a nailanad iti blotter no ania ti madawdawat iti inhiniero.#