Footer

Installation rights ti baro nga obispo ti Laoag, naangay

LAOAG CITY – Pormal a nagtugaw kas baro nga obispo ti Diocese of Laoag ni Bishop Rene Mayugba, dati nga Auxillary Bishop ti Dagupan-Lingayen, Pangasinan idi Disiembre 11, 2012.

Mismo nga inatenderan ni Papal Nuncio Giuseppe Pinto ti installation rights ni Bishop Mayugba bayat ti concelebrated mass a naangay iti St. William’s Cathedral nga inimatangan dagiti obispo ken papadi ken rinibribu a katoliko manipud iti nadumaduma a parokia iti Ilocos Norte, Ilocos Sur, La Union, Pangasinan, ken Cagayan.

Ni Bishop Mayugba ti simmukat iti puesto a binakantean ni Bishop Sergio Utleg a nadutokan nga arsobispo iti Tuguegarao City, Cagayan.

Sakbay daytoy a puestona, nagpaay ni Bishop Mayugba a vice chairman ti Episcopal Commission para iti Biblical Apostolate of the Catholic Bishops Conference of the Philippines.#