Intensity 4.2 ti ginggined iti Baguio City

BAGUIO CITY – Nasuspende dagiti klase kadagiti pagadalan gapu iti ginggined iti apaglabes a tengnga ti aldaw itay Nobiembre 27 ditoy.

Segun iti Philvocs, agpigsa iti Intensity 4.2 ti ginggined a narikna ditoy iti 12.27 ti malem a nagpaut iti dandani 30 segundo.

Kinuna ti Philvocs a tectonic ti ginggined ket maigapu iti panagligsay ti Manila Trench, 195 a kilometro iti amiananen ti Manila wenno 77 a kilometro iti amianan a laud ti Lingayen, Pangasinan.

Nupay kasta, awan ketdi ti naireport a nasaktan ditoy siudad.#