Inter-agency, NGO sportsfest, nairugi

VIGAN CITY – Pormal a nailukat ti Inter-agency-NGO sportsfest nga esponsoran ti local a gobierno ti Ilocos Sur idi Disiembre 4.

Kinuna ni Gov. Deogracias Victor Savellano, babaen ti pasalip, masubok ti disiplina ken sportsmanship dagiti agbabalubal.

Karaman iti paay-ayam dagiti team ti Provincial Capitol, NTA Candon, National Commission on Indigenous People, PNP, LGU-Vigan City, UNP, GSIS, COMELEC, Banaoang Pump Irrigation Projet, BFP,DAR, NTA Vigan, BIR, DGC(DOJ,GSIS,CSC), ken Ilocos Sur National High School. 

Iti met benneg ti Ngo karaman dita ti Ilocandia Biker’s Club, ISECO, Media, Nueva Segovia Padres, Ilocos Sur  Development Cooperatives, I-Sports, Kill Droga, CIS, Knights of Columbus, Tough Riders, Bankers, Fil-Chinese Chamber of Commerce, KBP, Vigan Duckpin Bowlers Association ken Ilocos Sur Badminton Club.

Agbabalubal dagitoy iti agduduma nga sporting events kas iti basketball (men), volleyball (men/women), badminton(men/women), bowling(men/women), chess(men/women) ken table tennis(men/women).#