Interfaith rally kontra con-ass, naisayangkat

LAOAG CITY – Maysa a rali maikontra iti pannakabalbaliw ti konstitusion babaen ti constituent assembly ti naisayangkat itay Hulio 22 ditoy a siudad.

Insayangkat daytoy dagiti nadumaduma a sektor ti relihion ken negosiante kas paset ti panangipakitada iti ikokontrada iti cha-cha babaen ti con-ass a kayat ti Kamara a mairubbuat uray awan ti partisipasion ti Senado.

Nakipartisipar ditoy dagiti nadumaduma a grupo ti relihion a pakairamanan ti simbaan Katoliko, Aglipayan, United Church of Christ of the Philippines, dagiti pagadalan katoliko ken dadduma pay.#