Footer

Internet connection, maipasdek barangay, pagadalan

VIGAN CITY – Kinuna ni Mayor Eva Marie S. Medina a maipasdek ti internet connection kadagiti amin a barangay ken pagadalan ditoy siudad iti itatapog ti umuna a bulan ti 2011.

Karaman ti pannakaipasdek ti internet kadagiti barangay ken pagadalan kadagiti tarigagayan ti gobierno ti siudad a mapaadda tapno agbalin a patas ti “playing field” iti nagbaetan ti public ken private schools.

Kinuna pay ni Medina  nga addaanen dagiti private schools kadagiti pasilidad ken laboratorio ket kayatna a paaddaen met dagitoy kadagiti pagadalan publiko iti siudad.

Kinuna pay ni Medina a no addan internet connection kadagiti barangay halls ken pagadalan, maikkan dagiti amin nga agnaed iti gundaway nga aginternet uray awan ti telebision ken computerda.#