Footer

iPhone, insubli ti agpaspasada iti traysikel

VIGAN, Ilocos Sur – Insubli ti maysa nga agpaspasada iti traysikel iti polis ditoy ti maysa a nangina a selpon a nabati ti maysa a pasaherona.

Kinuna ni Abigail Rabon a nakitana laeng ti iPhone iti igid ti tugaw ti luganna iti alas onse y media ti kabigatanna.

Kinuna ni Abigail Rabon, tricycle driver a nailuganna ti akinkukua ti iPhone a maysa nga Indian national iti Two Brothers ket nagturongda iti Merge Pt. sa iti University of Northern Philippines.

Sumagmamano pay dagiti nailugan ni Rabon iti malem ngem awan ti nakakita iti nabati a selpon.

Nupay kasta, iti pannakaisurat daytoy, saan pay a naala ti akinkukua iti nasao a selpon ta segun kadagiti kakaduana, napan iti Pagudpud, Ilocos Norte.#