IRP ti Vigan City Council, awan serserbina?

VIGAN CITY- Kinuna ti maysa a konsehal ditoy a useless laeng ti internal rules and procedures (IRP) nga inadaptar ti konseho agsipud ta saan met laeng a masursurot.

Daytoy ti bugas ti privilege speech ni Konsehal Juan Carlo Medina bayat ti session ti sangguniang panlungsod ditoy itay nabiit.

Nagramut daytoy nga imbatad ni Medina agsipud iti pannakaiyalis koma ti panagsession dagiti konsehal iti Martes maigapu iti panangselebrar ti gobierno ti siudad ti Family Day ken iti pannakipartisiparda iti Alay Lakad, aldaw ti Domingo.

Kinuna ni Medina a nalawag iti IRP a Lunes, alas dos ti malem, ti panagsession ti konseho, ket no maiyalis-alis, useless met laeng ti IRP ta “saantayo met laeng a sursuroten…”

“Kasano a surotentayo dagiti linteg nga inar-aramidtayo no ultimo IRP ket ditayo pay masurot…” kinuna ti konsehal.

Kanaig daytoy, pinai-defer ni Medina amin dagiti ordinansana iti konseho.#