SANTIAGO, Ilocos Sur – Inangay ti Ilocos Sur Electric Cooperative (ISECO) ti Maika-33 nga Annual General Membership Assembly iti opisinana iti Barangay Bigbiga ditoy nga ili idi Nobiembre 26.
Ginasut dagiti consumer-members ti dimmar-ay iti daytoy tinawen nga asemblia nga inangay ti kooperatiba ti elektrisidad nga idauluan itan ni General Manager Egdon Sabio.
Kas paset ti selebrasion, libre ti merienda ken adda pay payong a naited kadagiti dimmar-ay a consumer-members ken adda paripa a pakaitedan dagiti gunggona kadagiti nagasat a mabunot ti numeroda.
Naigiddan metten ditoy ti pannakiinnuman ti media kadagiti dadaulo ti kooperatiba a nakailawlawagan dagiti problema ken dagiti addang nga inyussuat dagiti mangimatmaton tapno marisut dagitoy tapno mataginayon ti natalingenngen a kasasaad ti kooperatiba.
Impasingked ni Sabio nga ar-aramidenda amin a kabaelanda tapno mapagtalinaed ti nasayaat a serbisio a maipaay ti kooperatiba kadagiti consumer-cooperatives.#