Footer

Iskolar ti NTA, inawatda alawansda

CANDON CITY – Inawat ti nasurok 60 nga scholars ti National Tobacco Administration ti Candon City Branch ti alawansda manipud ken ni Administrator Edgardo Zaragoza itay nabiit.

Naammuan ken ni Estrella de Peralta, NTA-Candon manager, nga immawat dagiti scholars iti tseke nga aggatad iti P3,000.00 para iti alawansda.

Inimatangan da Dr. Rafael Querubin, presidente ti Ilocos Sur Polytechnic State College,  ni Dr. Elizabeth Gacusana, presidente ti North Luzon Philippines State College ken dagiti nagannak ti pannakaiyawat dagiti alawans dagiti iskolar.

Segun ken ni de Peralta, masapul a mamentener dagiti iskolar dagiti nangato a gradoda tapno agtuloy ti scholarsipda.

Agbasbasa iti Ilocos Sur Polytechnic State College ti kaaduan dagiti iskolar ti NTA, maikadua ti NLPSC.#