Footer

Itchon, baro a presidente ti PCL, Ilocos Sur

VIGAN CITY – Nagsapata ni Candon City Councilor Nestor Itchon kas baro a presidente ti gunglo dagiti konsehal ditoy probinsia babaen ken ni Vice Governor Deogracias Victor “DV” Savellano idi Agosto 17.

Kas presidente ti Philippine Councilors’ League (PCL), Ilocos Sur Chapter, nagtugaw ni Itchon kas ex-officio member ti hunta probinsial kasukat ni Oseas Diasen a nagtugaw kas interim president iti uneg ti nasurok a makabulan.

Ni Itchon ti mangibagi kadagiti konsehal iti sibubukel a probinsia ken nagbalin a chairman ti committee on municipal affairs iti sangguniang panlalawigan.#