ITI DUYOG TI SINGASING: Natarnaw latta ni lagip

Itay nabiit, nagukagakĀ  kadagiti napempen a filesko. Nagduduma a hard copy files. Dagiti nakallalagip ken saankon a malagip wenno nalipatakon a sinurat.Ā  Dagiti dadduma, sobra wenno tedda pay ketdin dagiti anay a diak nadlaw ti irarautda.

Inanusak a saggaysa a miraen dagiti sinuratko a tedda dagiti anay ta adda nabayagen a sapsapulek a daniw a diak malagipen ti nangidulinak. Saanko nga ammo no sadino ti nangiseksekak. Daniw a napateg kaniak agsipud ta daytoy ti nangilukat kaniak iti ridaw ti panagsuratan. Daniw a nagramutak a kas mannurat.

Idi agangay, nasarakak daytoy a daniw a nairagpin kadagiti files dagiti daan a dandaniw. Isu man daytoy.

Tallo A Sarindaniw ti M/V Don Juan

I. SIAK KEN DAGITI PASAHEROS

wen kunak, saan kunada

saan kunak, wen kunada

wen kunak, wen kunada

saan kunak, saan kunada.

Ah, nagduduma a kapanunotan,

Nagduduma a prinsipyo!

Iti maysa a suli;

ā€œAnak, aganuska ta awan kuartatayoā€¦ā€

Panunot ti anak; ā€œDiosko, kaasiannakami!ā€

Iti sabali a suli;

ā€œā€™Nia boss, ikkakon?ā€

Nakaisem lang ti boss, ngem adda palimed kadagiti matanaā€¦

Ah, adu pay dagiti sayangguseng;

dagiti nakadidillaw kenĀ  mailimlimed

dagiti maawatan ti kaaduan ken saan

dagiti manglalais ken mangal-allukoy

No dadduma, malaokan ti saibbek ti aglawlaw;

ti ngayemngem, kemkem ti sangi

dagiti ikkis ken garakgak

ken di maungpot agayus a luaā€¦

Ngem adda isem tunggal tugot ti lua

Ta adda dagiti Narra a pasaheros

A sidadaan a mangiyawat ti imada, isuda

Dagiti mangipatpateg iti M/V DON JUAN.

II. KENKA PILOTO

Tenglem ta timon, dimo baybay-an

Kitaem, tanangem iti pangiturongam

Dimo iseman dagiti uwak a makitam

Laisem ti inda ikaskasaba

Ta ditayto maidungpar tangrib iti masanguanan

Dika agpungtot kibor dalluyon

Ta pasetda ti nakaparsuaan

Anusam, pakirdem ta panunotmo, ta sikatā€™ piloto

A mangitunda kadakami iti PARAISO NI JUAN.

III. M/V DON JUAN

Kayarigam baggak iti agsapaā€¦

ta adu ti mangisem kenka

ti mangdayaw kenka

ta ngamin dagiti rimatmo agraraira!

Kayarigam maysa a kulalantiā€¦

nga addaan silaw itiĀ  kasipngetan

(iti deppaar sika laā€™ng ti addaan)

adu ti mayat a mangikut kenka

gapu kadagiti natakuatanda kenka

ta uray bassitka man,Ā  addaanka

kadagiti gameng ti Namarsua!

Ngem ita, kayarigam sikat nga artistaā€¦

addaka iti sirkulasion iti amin a pagiwarnak

(iti uneg ken ruar ti M/V Don Juan)

adu unay ti intriga kenka

(dagiti parbo ken saan)

matmatmatandaka, buybuyaendaka

iti pananglayagmo.

Ngem ti kinapudnoā€¦

dagiti met laā€™ng naglugan kenka

dagiti pasaheros ken dadduma a mangimaton

ti mangbutaw ta bakrangmo

tapno maitanemka iti lansad ti taaw!

Ket kunamiā€¦

Diosko, tulongam koma ti M/V DON JUAN!

Enero 27, 1986

Banco Filipino

22-24 Session Road

Baguio City 0201

(Adda tuloyna)