VIGAN CITY – Kinuna ni Gov. Ryan Singson a mangisayangkat ti gobierno probinsial kadagiti job fairs tapno matulongan dagiti awan pagsapulanna a maaddaan iti panggedan.
Kinuna ti gobernador a panggepna ti mangipasdek iti base station iti provincial capitol tapno ditoy ti pag-log-onan dagiti agbirbirok iti trabaho kadagiti kumpania nga agsapsapul kadagiti aplikante.
On-going daytoyen a gannuat, segun iti gobernador.
Kinuna pay ni Singson a saan laeng koma a tinawen laeng dagiti maisayangkat a job fairs no di ket iyad-adu dagiti aldaw wenno binulan pay ketdi ti pannakaangayda tapno ad-adu ti matulongan nga agbirbirok iti trabaho.
Itay nabiit, nangipaay ti gobernador kadagiti medalia para kadagiti estudiante a topnotchers kadagiti klaseda.#
