Job vacancies, maiposte iti website

VIGAN CITY – Saanton a problema dagiti aplikante iti panagpagnapagnada nga agbirok iti trabaho agsipud ta maipostenton iti internet dagiti job vacancies dagiti pasdek negosio ditoy siudad.

Kas linaon ti ordinansa a pinutar ni Konsehal Ramil Arce, kasapulan nga ipatulod dagiti employers wenno business establishments ti listaan dagiti job vacancies tapno maiposte iti official website ti gobierno ti siudad ditoy.

Ti la aramidenen ti aplikante, ket mapan iti website ti gobierno ti siudad para iti pannakaaksesna kadagiti naiposte a puesto a kasapulan dagiti pasdek-negosio ket agaplikar iti panggedan a maiyataday iti kurso ken kabaelanna.

Ditoy probinsia, masansan dagiti maisayangkat a job fairs tapno matulongan dagiti aplikante nga agsapsapul iti trabaho.#