Kabarbaro a police station, nainaguraran

LIDLIDDA, Ilocos Sur – Nainaguraran itay Mayo 21 ti kabarbaro a police station ditoy nga ili.

Mismo a ni Police Chief Supt. Ramon Gatan, regional director, ti kangrunaan a sangaili iti pannakainagurar ti nasao nga station.

Karaman kadagiti nagatendar iti inagurasion dagiti hepe ti polis ti Candon City, Sta. Lucia, Sta. Cruz, San Esteban, Banayoyo, Salcedo, Galimuyod, Santiago, Banayoyo, ken San Emilio.

Nangted iti augmentation force ti 104th Police Provincial Mobile Group idinto a ti Tagudin police ti nangeskort ken ni Gatan iti iseserrekna iti probinsia ti Ilocos Sur agingga iti daytoy nga ili.#