Footer

Kabarbaro a drug personality, naipalab-og iti buy bust operation

TAGUDIN, Ilocos Sur – Agdadamo daytoy a drug personality ket malasna ta naangotan dagiti polis ti panaglakona iti maiparparit a droga ket napakatan iti buy bust operation a nagresulta iti pannakatiliwna.

Tiniliw dagiti nagtitipon nga elemento ti kapolisan ni Alvin Lodia Madrinico, 31, residente iti Barangay Bucao West, ditoy nga ili kalpasan a nagpositibo ti impakatda a drug operation maikontra iti suspek sadiay Bucao East, Tagudin idi malem ti Hulio 14.

Malaksid ti inlako ti suspek a mapapati a shabu, nakasamsam dagiti polis iti ikutna ti tallo nga small heat sealed plastic sachet a nagkarga iti mapapati a shabu; marked money a P1,000.00; cash money nga agdagup iti P1,870.00 ken drug paraphernalia.

Iti kaudian a damag, nakasuan ni Madrinico iti panaglabsing iti RA 9165 a naipababaen iti Criminal Cases No. 1663-T agingga iti 1665-T.#