Kabaybayan ti Cabugao, wanawanan fish wardens

CABUGAO, Ilocos Sur – Adda naituding a fish wardens nga agwanawan iti kabaybayan a sakup dagiti coastal barangays daytoy nga ili, segun iti maysa nga opisial ti Bureau of Fisheries and Aquatic Resources.

Kinuna ni Benny Saraos ti BFAR a lima a fish wardens ti naituding nga agwanawan iti kabaybayan dagiti pito a coastal barangays ditoy nga ili tapno malapdan ti panagbongbong kadagitoy a lugar.

Na-reactivate dagiti fish wardens ditoy babaen ti initiatibo ni Mayor Edgardo Cobangbang, kas paset ti programana a pannakasaluad iti kabaybayan nangruna dagiti fish sanctuary ditoy nga ili.

Adda 35 a fish wardens a nagsanay kadagiti paglintegan iti fisheries ken natudingan nga agwanawan kadagiti pito a coastal barangays ditoy nga ili.#