Kable ti telepono, natakaw

VIGAN CITY- Uray kable ti telepono, saanen a pakawanen dagiti mannibrong.

Nagpulong ti maysa a superbisor ti Digitel ditoy iti polis a natakaw ti agatiddog iti nasurok 10 metro a kable ti telepono iti sakup ti Barangay Beddeng Daya ken Beddeng Laud ditoy siudad.

Naammuan pay a natakaw met ti agatiddog iti nasurok a 30 metro a kable ti telepono iti Barangay Pong-ol ditoy met laeng siudad.

Mapapati a daytoy ti nakaigapuan ti pannakaputed ti tawag iti telepono idi Septiembre 10 ditoy siudad.#