KABSAT, dimmanon iti 2 upland towns

DEL PILAR, Ilocos Sur – Dua nga ili iti upland a pakairamanan daytoy nga ili ti dinanon ti Kakailian nga Agnaed iti Barangay Sangsangkamysa nga Agrang-ay Tayo (KABSAT) outreach program idi Abril 22 ken 23. 

Naiwaras ditoy nga ili  dagiti kuliglig, hand tractors, rice tresser, G.I. pipes, cyclone wires, knapsack sprayer, hose, Boer a kalding, ken high breed vegetables seeds.

Nangipaay met ti National Commission on Indigenous People (NCIP) iti puonan para iti panagtalon dagiti agindeg ditoy.

Idi met Abril 23, nagiwaras ti KABSAT iti hand tractors, kuliglig, grass cutters, knapsack sprayers, medical kits, water pumps, ag-agas, high breed a bukbukel, Boer a kalding,hose ken tseke nga aggatad iti sag-P8,000 kada barangay. (Mancielito S. Tacadena/NBN Vigan)