Footer

KABSAT, naisayangkat

BOGUIBOG, Salcedo – Naisayangkat ti Kakailian Agnaed iti Barangay, Sangsangkamaysa Agrang-aytayo (KABSAT) para iti pannakaidanon ti basic services kadagiti agnaed iti daytoy nga ili.

Dimmar-ay ti dandanin amin nga ahensia ti gobierno a nangidanon iti serbisioda kadagiti umili ditoy.

Naisayangkat ti libre a medical-dental mission babaen ti Madrigal Foundation nga indaluluan ni Lalaine Madrigal a nakabenepisiaran ti 500  nga umili.

Naiwaras kadagiti barbarangay dagiti tilapia fingerlings, water pumps, kuliglig, rice threshers, kalding, hose, bukbukel ken dadduma pay a ramramit.(Danny Antalan)