Kameng ti Acetylene Gang, naaresto sadiay Pangasinan

QUIRINO, Ilocos Sur – Inaresto dagiti nagtipon a bunggoy dagiti polis ti maysa a mapapati a kameng ti Acetylene Gang, grupo dagiti agtaktakaw kadagiti pawnshop ken babassit a bangko sadiay Barangay Cayos ditoy nga ili itay nabiit.

Inaresto dagiti nagtipon a bunggoy ti Police Provincial Office ken ti Quezon City Police District ni Jim Bautista, 21, agnaed iti nadakamat a barangay babaen ti bileg ti warrant of arrest nga inyisio ni Judge Salvador Timbang ti Regional Trial Court, National Capital Region Branch 253, Las Piñas City, Metro Manila.

Sumangsango ni Bautista, mapapati a kameng ti Acetyline Gang a mangisayangsayangkat iti panagtakawan kadagiti pawnshop ken babassit a bangko, iti kaso a robbery.

Natalna a simmurot ti suspek kadagiti nangaresto kenkuana ket naikustodia iti police station ditoy.

Awan ti nairekomenda a piansa ti akusado.#