Kameng ti media, nakipaset iti Bagnet Festival

 

NARVACAN, Ilocos Sur – Nagsasalip dagiti kameng ti media ditoy probinsia kadagiti nadumaduma nga sports kas pannakipasetda iti Bagnet Festival a naangay ditoy nga ili idi Disiembre 15.

Karaman kadagiti nakipartisipar kadagiti nadumaduma nga sports ti DZTP Radio Tirad Pass, DWRS Commando Radio, DZBB Bombo Radyo, NBN-4, ken Core TV.

Nagbabalubal dagiti kameng ti media iti taray, hiking, zipline, beach volleyball ken dadduma pay nga outdoor ken indoor games babaen ti panangesponsor ni Mayor Zuriel Zaragoza.

Kas paset ti programana a mangidur-as iti turismo iti ilina, nangiyussuat ni Zaragoza kadagiti proyektona iti sports, kas iti zipline, kite boarding, kayaking ken dadduma pay nga outdoor sports.#