Kampania para local a posision, nangrugin

SINAIT, Ilocos Sur – Simmuknal iti simbaan ditoy ti grupo da Diputado Ryan Luis V. Singson, dati a Congressman Ronald SingsonĀ  ken ni Vice Gov. Deogracias Victor Savellano kas panangirugida iti panagkampaniada para iti masungad nga eleksion.

Agtaray ni Singson a para gobernador, kasangona ni Mayor ti Tagudin Roque ā€œJunā€ Versoza idinto nga agpailayon ni Savellano a para bise gobernador, kabalubalna ni dati a Bokal Efren Rafanan.

Agsubli met a para congressman iti umuna a distrito ti probinsia ni Ronald Singson, kasangona ni Atty. Beltrand Baterina.

Kalpasan ti misa, nammigat ti grupo iti Cabugao Beach Resort sa kinuyog ida ti grupo ngaĀ  indauluan ni pailayon a Mayor Edgardo S. Cobangbang, Jr. ken ni dati a SK Federated President Deogracias Jose Savellano a kandidato para bise mayor, ken dagiti kandidato para konsehal a pakaibilangan da Konsehal Dr. Carlito S. Pano, Konsehal Dr. Jemaima S. Tan-Yee,Ā  Konsehal Josefina S. Vallejo; Konsehal Benedicto M. Savellano; ken Konsehal Carlos V. SisonĀ  kasta met dagiti kaduadaĀ  a kandidato a a para konsehal a pakairamanan da Vice Mayor Danilo Q. Gazmen,Ā  Barangay Captain Inocencio S. Sadac ken Barangay Captain Rogelio S. Siruno ken dagiti barangay captains ti nasao nga ili.

Kakuyog pay ti grupo dagiti kandidato a para bokal a pakairamanan ni Bokal Jerry Singson, Bokal Ishmael Baterina,Ā  dati a Mayor Edgar Yabes, ken dati a Bise Mayor Rex Augustus S. Morales.

Kinuna ni Savellano a nangrugi ti isusuknalda iti Simbaan ni Apo Sto. Cristo Milagroso manipud pay idi 1988 sana innayon nga epektibo daytoy kas panangirugi iti panagkampaniada. (Tawid News Team)