Kampania ti panagkolekta iti buis, agtultuloy

CAOAYAN, Ilocos Sur – Kinuna ti tesorero ditoy nga ili nga itultuloyda ti kampania iti panagsingirda iti buis kadagiti adda negosiona nga awan pay ti permitda.

Kinuna ni Lovic Atendido a rinugiandan ti nagpasiar kadagiti barbarangay tapno mapagbuis dagiti negosiante nga awan pay ti business permitda.

Kinuna ni Lovic Atendido nga adda dagiti negosiante a nagliway a nagbayad iti buisda ket dagitoy ti mismo a danonen dagiti kakaduana.

Maysa kadagiti puntiria da Atendido nga inspeksionen dagiti adda tiendana no adda met la business permitda kas paset ti kampaniada a manggun-od iti nangatngato a tax collection.#