Kampania ti Vigan para New7WondersCities of the World, suportaran ti LGU-Suyo

SUYO, Ilocos Sur – Intuding ti lokal a gobierno ditoy nga ili ti maysa nga aldaw a panagbutosda kas suportana iti kampania ti Vigan City a mairaman iti pito a baro a pagsidsiddaawan a siudad iti lubong, daytoy ti impatalged ti mayor itay nabiit.

Kinuna ni Mayor Mario Subagan a sursurotenda ti resolusion ti probinsia a mangituding iti maysa nga aldaw a panagbutosda babaen iti text para iti daytoy a kampania ti Vigan City a mairaman a maysa iti New7Wonders Cities of the World.

Itay nabiit, nainaguraran ti tallo-kadsaaran a municipal building daytoy nga ili.

Nagtagisarming ti diding daytoy a pasdek ket manipud iti pasilio, makita ti panagtrabaho dagiti empleado kadagiti nadumaduma a pagopisinaan ditoy.#