Kampeonato ti RIAA, naagaw manen ti Ilocos Norte

URDANETA, Pangasinan – Sinublat manen ti Ilocos Norte ti kampeonato iti Region I Athletic Association a naangay iti Urdaneta National High School ditoy idi Marso 18-24.

Inagaw ti Ilocos Norte ti kampeonato iti nasao a paay-ayam babaen ti puntos a 617.17 manipud iti Pangasinan II a nakagun-od laeng liti 522.25 puntos.

Maikatlo a puesto ti Pangasinan I babaen ti puntos a 387.75.

Dagiti sumaganad ti pinal a resulta ti paay-ayam:

1. Ilocos Norte, Pangasinan II, Pangasinan I,  La Union,San Fernando City, Laoag City, Dagupan City, Urdaneta City, Ilocos Sur Division, San Carlos City, Alaminos City, Candon City, Batac City, ken Vigan City.

Mapattapatta nga aganay a 500 nga atleta manipud iti Region I ti makipartisipar iti Palarong Pambansa a maangay iti Pangasinan inton Mayo 6-12.#