Footer

Kanayonan a 500 nga agindeg maiyenrol iti PhilHealth

NARVACAN, Ilocos Sur – Manayonan ti bilang dagiti marigrigat nga agindeg ditoy nga ili ti maiyenrol babaen ti PhilHealth program ti gobierno.

Segun iti Municipal Social and Welfare Development officer ditoy, manayonan iti 500 dagiti benepisario ti PhilHealth program ditoy nga ili kas imbilin ni Mayor Zuriel Zaragoza.

No mainayon iti  dati a 1,500 a PhilHealth card holders, agdagupton iti 2,000 dagiti benepisario ti PhilHealth program ti municipal government ditoy.

Kinuna ti MSWD officer ditoy a prioridad a maiyenrol iti PhilHealth dagiti indigent nga agindeg ditoy nga ili.#