Kannawidan 2014, nabongbongga: Gov. Ryan

VIGANĀ  CITY – Impasingked ni Gov. Luis Ryan Singson a nabongbongga ti Kannawidan Ilocos Festival a maangay inton umay a tawen no maidilig iti napalpalabas.

Kinuna ni Singson nga agtultuloy dagiti aktibidad a naisaysayangkat iti kallabes a festival ken adda pay dua a insingasingna a maangay, ti shooting competition ken drag race.

No naballigi dagitoy nga aktibidad, agbalindanton a regular a pagsasalipan kadagiti sumarsaruno a Kannawidan Ilocos Festival, segun iti gobernador.

Tinawen a selebraran ti gobierno probinsial ti Kannawidan Festival kas paset ti selebrasionĀ  ti panagwaywayas ti Ilocos Sur a kas probinsia idi Pebrero 2, 1898.#