Kapatas ti konstruksion, nakoriente

VIGAN CITY – Immuli iti landok a poste tapno nawaywaya ti panagbuyana ngem isu metten ti nakakorienteanna a nakatayanna.

Naideklara a natayen iti ospital a nakaitarayanna ni Alfredo Agsundo y Gamiao, 44, naasawaan, construction foreman, residente iti Barangay 19, Columbia, Vintar, Ilocos Norte.

Iti inbestigasion ti polis, immuli ni Agsundo iti landok a poste ti silaw iti plasa ti Barangay Bulala tapno nawaywaya ti panagbuyana iti Miss Gay ket naiggamanna ti nagputedan a barut ti spotlight a naikonektar iti poste a puon ti nakakorienteanna.#