Footer

Kapitolympics Season 2, narugian

VIGAN CITY – Nairugi itay Nobiembre 17 ti Kapitolympics Season 2, maysa a torneo para kadagiti empleado ti kapitolio ditoy.


Immuna a naisayangkat itay napan a tawen, nairusat daytoy sports competition tapno agkaykaysa dagiti empleado babaen ti ay-ayam malaksid a mapasayaat ti salun-atda.

Kinuna ni Gob. Deogracias Victor “DV” Savellano a babaen ti sports, maaddaan iti tinnunos dagiti empleado a mangitunda iti napimpintas a serbisio.

Karaman kadagiti maay-ayam iti kapitolympics season 2 ti basketball, volleyball, table tennis, chess, badminton ken bowling. Nabingbingay met iti sangapulo a team dagiti empleado.#