Karit

Nagpanes tinubayko a sirmata
Inalipugpognak ti dawel… ti damsak…
Puris naidalubdob ditoy barukong
Nagnunog ti saem, ti upay
Tinagibik ti ut-ot
Napait ti tumamdag nga isem
A rangkap ni kinalupoy
Ngem ti pigsak di agkismay
Ket inkarigatak ti tumakder
Binaliwak ti umaddang
Pagbalinek a karit pannakaupay
Tuntonek latta ruangan ti pedestal
Ta taklinko ti Isuna, kaduak
Nga agdaliasat iti desdes
Iti pasnaan, baliwak nga aronan
Ti tubayek manen a kampilan
Nga anib-igamko kadagiti masagang
A damka iti taltaluntonek a dana…