BANAYOYO, Ilocos Sur – Kinuna ti mayor ditoy a mailaklako ti karne ti baboy iti nababa a presio tapno umadu ti maawisda a mapan gumatang iti tiendaan publiko ditoy.
Segun ken ni Mayor Severino Galanga, mailako ti karne ti baboy iti P140 kada kilo idinto a P160-170 kada kilo ti karne ti baka tapno mapapigsada ti pagpartian ken tiendaan ditoy ken dumakkel ti pamastrekan ti ilida.
Kinuna ti mayor a naikkan dagiti kailianna iti livelihood project, kas iti panagtaraken iti baboy ken baka tapno saan nga agkurang ti maparti a dingo iti tiendaan ditoy.#