Footer

Karpintero, binagsol iti bote ti beer ti kainomanna

SAN JUAN, Ilocos Sur – Binagkong ni Reynaldo Visoria y Urulaza, 43, naasawaan, mannalon, ken residente ti Brgy Nagsabaran, San Juan, Ilocos Sur, ni John John Rodillas y Ricanor, 39, naasawaan, karpintero, ken residente ti Brgy Lubong, San Vicente, Ilocos Sur, idi rabii ti Nobiembre 1, 2018. Pareho a nakainom dagiti dua idi napasamak ti insidente.

Segun iti salaysay dagiti kadua ti dua a naginom, nagringor ti suspek ken biktima bayat iti panaginomda ket iti pudot ti ulo ni Reynaldo, nangbuong iti bote iti Red Horse beer sana imbagsol iti makinkannigid a parte ti bagi ni John John.

Naitaray ti biktima iti Ilocos Sur District Hospital, Magsingal, Ilocos Sur tapno maagasan. Naipan met ti suspek iti Ilocos Sur District Hospital para iti medical examination san to naipan iti San Juan MPS para iti umno a disposision. (Tawid News Team)