SUYO, Ilocos Sur – Nakoriente ti maysa a karpintero iti uneg ti banioda a puon ti nakatayanna idi malem ti Hulio 4.
Segun iti report, idi agarup 5:50 ti malem ti nadakamat a petsa, agdigos koma iti banioda ni Mario Cencio y Adiwang, 56, naasawaan, karpintero, ken residente iti Sitio Baudan, Barangan Man-atong, ditoy nga ili, ngem nakoriente idi insalapayna ti underwearna iti drop wire.
Nangala ti asawana a ni Betty Cencio Bugtong iti namaga a lupot sana ginuyod nga inruar ti asawana.
Intaray dagiti nagresponde a polis ni Cencio iti rural health unit ti Suyo ngem naideklara ti biktima nga awanen ti biagna.#