Karpintero, nakoriente

SANTIAGO, Ilocos Sur – Maysa a karpintero ti nakoriente bayat ti panagtarimaanda iti maysa a balay iti Barangay Ubbog ditoy nga ili.

Natay ni Nilo Gambon, 42, agnaed iti Barangay Lintic, Banayoyo, Ilocos Sur bayat ti pannakatamingna iti Candon General Hospital .

Naammuan iti inisial nga inbestigasion a simsimpaen ti biktima ken kakaduana ti atep ti balay ni Efren Embotollo ket idi timmakder daytoy, nasagidna ti linia ti elektrisidad a puon ti nakakorienteanna.#