Karpintero, nalmes

SUYO, Ilocos Sur – Nagtungpal a trahedia ti panagpipiknik dagiti aggaggayyem iti karayan Chico idi Mayo 6 agsipud ta nalmes ti maysa kadakuada.

Naireport a nalmes ni Tony Annoyan y Paltoki, 57, residente iti Barangay Tulalo, Mankayan, Benguet, bayat ti panagburak dagiti kakaduana iti rama a piknikenda iti Chico River a sakup ti Sitio Dalisis, Barangay Cabugao, Suyo, Ilocos Sur idi agarup 2:30 ti malem ti Mayo 6.

Nagbalaw dagiti kakadua ni Annoyan idi awan a makitada daytoy iti nagtaktakderanna bayat ti panagtiliwda iti lames isu a binirokda ket nasarakanda a nakapakleb iti lansad ti karayan.

Impakatanda ti biktima iti first aid ngem saanda a napaungar.

Intaray dagiti nagresponde a polis ken barangay officials ti biktima iti Tagudin General Hospital ngem indeklara ti doktor a nangtaming nga awanen ti biag daytoy.#