Karpintero, napaltogan

CAOAYAN, Ilocos Sur – Maysa a karpintero ti biktima iti pammaltog iti Barangay Anonang Mayor ditoy nga ili iti bigat ti Oktubre 7, 2009 .

Nainaganan ti biktima a ni Rolly Lazo y Quiba, 45, addaan asawa ken residente ti Brgy. Anonang Mayor, Caoayan, Ilocos Sur idinto a nabigbig ti suspek a Marcelino Branada y Rondo, 55, awanan asawa ken kalugaran ti biktima.

Segun iti report manipud PNP Caoayan, adda saan a nagkinnaawatan dagiti dua a puon metten ti nangpaltogan ni Branada ken ni Lazo.

Nagpaarayat ti biktima iti kuerpo ti polis ket intarayda iti ospital tapno mataming ti sugatna.

Tiniliw dagiti polis ni Branada para iti pannakapalutpot ken pannakaipila ti kaso maikontra kenkuana.#