Kaso ti aksidente, naareglo

STA. LUCIA, Ilocos Sur Nagareglo dagiti maseknan iti kaso ti aksidente idi Disiembre 2 iti national highway iti Barangay Burgos, Sta. Lucia, Ilocos Sur, kalpasan nga inkari ti Fari├▒as Enterprises a mangted iti pinansial a tulong kadagiti kabagian dagiti biktima.

Nagdinnungpar ti trailer truck ti Fariñas Enterprises a minaneho ni Eusebio Castillo, Jr. y Diego, 28, nasawaan, residente iti Barangay 59-A Dibua South, Laoag City ken ti Lifan  a motorsiklo a minaneho ni Benny Orpilla y Gamueda, 48, residente iti Barangay Paypayat, Candon City a puon ti nakatayan ni Orpilla ken ti insakayna.

Iti inbestigasion,  agpaabagatan ti trailer truck a nagkarga kadagiti awan naggianna a botelia ti San Miguel Beer idi nakasabatna ti Lifan motorcycle a minaneho ni Orpilla a kimmaut iti linia ti truck a puon ti  nagdinnungparan dagiti dua a lugan ken nakatayan ni Orpilla ken ti insakayna.#