Footer

Kaso ti dengue iti Baguio ngimmato

BAGUIO CITY – Ngimmato ti bilang dagiti nagsakit iti dengue ditoy a siudad.

Segun iti report manipud iti Department of Health Regional Office, ngimmato ti kaso ti dengue ditoy siudad iti 70 porsiento iti immuna nga innem a bulan daytoy a tawen.

Nakairekord ti nasao nga opisina iti 134 a kaso ti dengue manipud Enero agingga iti Hunio daytoy a tawen maikumpara iti 94 a kaso iti daytoy met la a tiempo idi 2007.

Sangapulo ket tallo a lugar ti maibilang a dengue hotspots a pakairamanan ti Asin, ABCR, Aurora Hill, Brookside, Camp 7, Fairview, Loakan Proper, Engineer's Hill, Quezon Hill Proper, Sta. Escolastica, Lourdes Extension, New Lucban ken Irisan.#