Kaso ti dengue iti Candon City, bimmaban

CANDON CITY – Naammuan manipud iti opisisina ti City Health Center a bimmaban ti bilang dagiti agsakit iti dengue ditoy siudad.

Kinuna ni Angue Rubang, sanitary inspector ti CHC a pito laengen ti nairekord a nagsakit iti dengue iti bulan ti Septiembre, saan a kas idi bulan ti Agosto nga immabut iti 195 ti kaso ti dengue iti siudad.

Intudo ni Rubang a gapu ti bimmabaan ti bilang dagiti nagsakit iti dengue iti all-out war nga insayangkat ti city government  kontra iti dengue a pakairamanan ti panagdaldalus iti paraangan, advocacy program, information dissemination, fogging operations, operation taob, panagiwaras ti losion ken dadduma pay a safety measures.

Adda pakabuklan a 294 a naireport a kaso ti dengue ditoy manipud Enero agingga iti maikadua a lawas ti Septiembre.#