Footer

Kaso ti dengue iti Ilocos Sur, bimmaba

VIGAN CITY – Bimmaba ti kaso ti dengue iti umuna nga innem a bulan maikumpara idi napan a tawen.

Kinuna ni Ilocos Sur Health Team Officer Benjie Castillo nga uppat laeng ti natay iti dengue iti probinsia idinto a 47 ti nairekord a nagsakit iti dengue, kababaan iti napalabas a tallo a tawen.

Bimmaba ti kaso ti dengue iti probinsia gapu iti naing-inget a programa ti Salun-at  kas iti panagdaldalus iti arubayan, pannakaipattog dagiti amin a mabalin a pagbalayan ken pagitlogan dagiti lamok, fogging ken dadduma pay a wagas para iti pannakapugipog iti dengue.#