Kaso ti HIV, umad-adu

VIGAN CITY – Umad-adu ti kaso ti HIV ditoy probinsia, daytoy ti impalgak ti coordinator daytoy a sakit itay nabiit.

Kinuna ni PHO HIV Coordinator Elizabeth Retuta nga idi 2013, adda sangapulo ket dua a kaso ti HIV iti probinsia ket idi 2014, pito ti nainayon a baro a kaso, isu nga adda pakabuklanna a 19 a kaso ti HIV iti probinsia.

Innayon ni Retuta a maalarmadan iti PHO agsipud ta nangato ti kaso ti HIV iti probinsia.

Maibilang a behavioral a sakit ti HIV, ket kangrunaan a pakalaanna ti pannakinaig iti adu a kapartner, pannakiseks ti homosexual, kas dagiti bakla, heterosexual wenno bisexual.#