Katulagan ti kappia, naangay

PUGO, La Union – Naisayangkat ti maysa a katulagan ti kappia iti nagbaetan ti dua a kandidato para mayor ditoy nga ili itay Enero 15.

Nagpinnirma iti katulagan ti kappia da mayoralty candidate Priscilla Martin ken dati a mayor Orlando Balloguing a sinaksian dagiti pannakabagi ti Commission on Elections, Philippine National Police, Department of Interior and Local Government ken dagiti lider dagiti dua a kandidato.

Naikappeng ni Martin iti Liberal Party idinto a Nationalist Peopleā€™s Coalition ni Balloguing.

Karaman ti La Union kadagiti 15 a probinsia a dinakamat ni DILG Secretary Mar Roxas nga areas of immediate concern iti masungad nga eleksion.

Daytoy ti kaunaan a peace covenant a naisayangkat iti La Union para iti nadalus ken natalna ti eleksion.#