Katulong, intarayna kuarta, alahas

BANTAY, Ilocos Sur – Dikayo agtaltalek a mangpanaw iti balayyo a mabati nga agmaymaysa ti katulong aglalo no adayo ti naggapuanna.

Dakkel a leksion daytoy ti agbambantay iti balay dagiti agassawa a Ronald Comelio Mendoza, residente iti Zone 2, ditoy nga ili.

Nagpulong iti polis ni Marvin Ibuan y Macaraeg, 18, baro, ken residente iti Zone 2, Bantay, Ilocos Sur a pimmanaw a di nagpakpakada ni Joy T. Alave, 29, naasawaan, natibo ti Zone 4, Koronadal, South Cotabato, idi agsapa ti Hulio 28 ket saanen a mabirokan pay.

Naduktalan laengen a mapukpukaw ti kuarta dagiti agassawa nga agdagup iti P30,000.00 ken assorted nga alahas nga agbalor iti P40,000.00 a mapapati a tinakaw ti katulong sa naglibas a pimmanaw.#