Katulong, pinakawan ti tinakawanna nga amona

VIGAN CITY – Taltalek pay daytoy a katulong ta agay-ayuyang ti ayat iti puso ti tinakawanna┬á gapu iti isasangbay ti baro a tawen ket namakawan.

Idi Enero 3, nagpirma iti apidabit ni Erlinda Singson y Juan, 39, naasawaan, residente iti Gov. Reyes Street, Barangay I, Vigan City, a saanen nga interesado nga agipila iti kaso maikontra ken ni Marites Piano y Pugal, 34, naasawaan, ken residente iti Barangay Ora West, Bantay, Ilocos Sur.

Maipalagip nga idi Enero 1, naduktalan ni Singson a natakaw ti singsingna a 4 carat nga addaan diamante a bato a naikabil iti drawer iti uneg ti kuartoda nga agbalor iti maysa a milion a pisos.

Iti hot pursuit operation nga inwayat ti kapolisan, naaresto ni Piano ket napasubli ni Singson ti singsingna.#