Katulong, tinakawanna ti amona

BALAOAN, La Union – Nasurok a P50,000.00 ti tinakaw ti maysa a katulong iti botique ti amona sadiay Barangay Osias, ditoy nga ili itay nabiit.

Segun iti report manipud iti polis ditoy, malaksid ti kuarta a P2,000.00, natakaw iti botique ni Estelita Gomez dagiti di nadakamat ti bilangda a petaka, t-shirts, ken dadduma pay a tagilako a mapapati nga inlibas nga innala ni Sheila Ragsac, agpapaay a katulong ni Gomez, ken residente iti Barangay Napaset, Luna, La Union.

Naduktalan ni Gomez a nakurangan dagiti tagilakona idi nangisayangkat iti inbentario.

Mapapati nga inlako ti suspek dagiti tinakawna iti nababa a presio.

Iti pannakaisursurat daytoy, maisagsaganan ti kaso maikontra iti suspek.#