Kimmabil a lalaki, nakasuan

VIGAN CITY – Napilaan iti kaso dagiti suspek a nangkabil iti maysa a baro iti prosecutor’s office ditoy siudad idi Disiembre 11.

Napilaan iti frustrated homicide da Dante Barcellano y Ablog, naasawaan, tricucle driver, residente iti Ayusan, Vigan City, ken maysa a John Doe gapu iti panangkabilda ken ni Flor Amante Balboa y Astrologo, 48, baro ken residente iti Barangay Rugsuanan ditoy met laeng siudad idi agarup 8:55 ti rabii ti Disiembre 10.

Segun iti report, agur-uray ni Ernie Pigares iti luganna iti sango ti simbaan idi inasitgan ni Barcellano a nakaiggem iti tubo a kaduana ti di nainaganan a lalaki.

Nagtaray ni Pigares ket kinamat dagiti dua. Naganawa ni Balbua ngem isun ti mapapati a nagpupudotan dagiti suspek ket minaloda babaen ti tubo ti biktima a nakadunoran iti nadumaduma a paset ti bagina.#