Kinder pupil, dinungpar ti motorsiklo

SANTA MARIA, Ilocos Sur – Dinungpar tiĀ  motorsiklo ti maysa a kindergarten pupilĀ  iti sanguanan ti maysa a pagadalan ditoy nga ili idi bigat ti Disiembre 16 ket grabe dagiti sugatna a naitaray iti ospital.

Nagsagrap iti dunor iti ulo ni Jay-Anne Pe Benito y Tindan, 5, kindergarten pupil, ken residente iti Barangay Maynganay Norte, ditoy nga ili ket naitaray iti Sto Nino Hospital sa naiyalis iti Gabriela Silang General Hospital.

Nagsagrap met iti dunor iti nadumaduma a paset ti bagida da Jaylord Pagay y Magayano, 26, baro, residente iti Barangay Puro, Magsingal, Ilocos Sur ken ti kinalubbonna a ni Kaur Jaswinder, 36, baro, Indian national ket naitarayda iti Reyes Clinic and Hospital para iti pannakaagasda.

Segun iti inbestigasion, bimmallasiw da Wilma ken dagiti annakna a pakairamanan ni Jay-Anne, ket idi makatengngada iti kalsada, mapapati a timmaray ti biktima iti bangir ti linia ket aksidente a nadungpar ti Honda Wave 125 motorcycle a minaneho ni Pagay.#